Творчая сустрэча «Мова родная – лепшая ты» з Аленай Разумоўскай

 21 лютага ў гарадской бібліятэцы-філіяле №2 прайшла творчая сустрэча «Мова родная – лепшая ты» з Аленай Разумоўскай, аўтарам паэтычных зборнікаў на рускай і беларускай мовах, кіраўніком клуба аматараў мастацкага слова «Верас» ДУК «Салігорскі краязнаўчы музей». Мерапрыемства было прысвечана Міжнароднаму дню роднай мовы.
На сустрэчу прыйшлі навучэнцы 3-га класа ДУА «Гімназія №2 г.Салігорска».
З прывітальным словам да гасцей і ўдзельнікаў мерапрыемства звярнулася Саенка Ю.В., загадчык аддзела маркетынгу. Яна ўручыла Разумоўскай Алене Міхайлаўне падзячны ліст за ўдзел у акцыі «Паэтамі апеты край», прысвечанай 100-годдзю Салігорскага раёна.

Чытацкая эстафета «На мове роднай размаўляю»

 Супрацоўнікі гарадской бібліятэкі №2 запрасілі да ўдзелу юных чытачоў і іх бацькоў. Ім прапанавалі на грыфельнай дошцы напісаць сваё любімае слова на беларускай мове і выбраць для чытання кнігу беларускага аўтара. Бібліятэкары падрыхтавалі агляд дзіцячай беларускай літаратуры «Зорны вяночак беларускіх пісьменнікаў і паэтаў» у якім распавядалі пра кнігі Кацярыны Хадасевіч-Лісавой, Надзі Букі, Алены Стэльмах, Генадзя Аўласенкі, Марыны Петрашкевіч і іншых пісьменнікаў, а таксама прапанавалі зборнікі твораў для дзяцей.